1383. März 13. Rome

VRBANVS episcopus servus servorum dei Dilecto filio . . Preposito, et dilectis in Cristo filiabus . . Priorisse et Conventui Monasterii sancte Marie in Aquis, alias dicti Domusdei, per Prepositum et Priorissam soliti gubernari, Premonstratensis ordinis, Wratislauiensis diocesis, Salutem et apostolicam benedictionem, Cum a nobis petitur quod iustum est et honestum, tam vigor equitatis quam etiam ordo exigit rationis, ut id per solicitudinem offitii nostri ad debitum perducatur effectum Eapropter dilecte in domino fili Preposite, et dilecte in Cristo filie Priorissa et Conventus, vestris iustis postulationibus grato concurentes assensu, personas vestras, et locum in quo divino estis obsequio mancipati, cum omnibus bonis, queimpresentiarum rationabiliter possidetis, aut infuturum iustis modis prestante domino poteritis adipisci, sub beati Petri protectione suscipimus, atque nostra, omnesque libertates et immunitates, a predecessoribus nostris Romanis pontificibus, sive per privilegia, vel alias indulgentias, vobis et Monasterio vestro predicto concessas, necnon libertates et exemptiones secularium exactionum, a Regibus Principibus vel aliis Cristifidelibus rationabiliter vobis et Monasterio predicto indultas, spetialiter autem terras decimas Castra villas domos possessiones vineas prata et alia, bona vestra, sicut ea iuste et pacifice obtinetis, vobis et per vos eidem Monasterio, auctoritate apostolica confirmamus, et presentis scripti patrocinio communimus, salva in predictis decimis moderatione Concilii generalis. Nulli ergo omnino hominum liceat hauc paginam nostre protectionis et confirmationis infringere, vel ei ausu temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Rome apud Sanctumpetrum iii Idus Martii Pontificatus nostri Anno Quinto.
Mar Jo. de Sanctoiusto.
L. de Porliuio.
Auf der Rückseite: Jo. de Monasterio.

Die Bleibulle hängt an gelben und rothen Seidenfäden.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.